Mbrëmja e sotme do të gjejë të imponuara tre ekipe shqiptare në Kupat e Evropës, më saktë në ndeshjet e kthimit të turit të dytë eliminator të Conference League.
Skuadra e parë është Vllaznia që zbret në fushë në Rumani ndaj Universitatea Craiova, teksa do ta nisë sfidën në orën 19:30. Sfida e parë në Shkodër ka përfunduar në barazim 1-1, por fjala e fundit ende nuk është e thënë, edhe pse tashmë kuqeblutë nuk janë favoritë.
Më pas, do të jetë radha e Laçit, që në orën 20:00 pret moldavët e Petrocub në stadiumin “Elbasan Arena”. Takimi i parë ka përfunduar në barazim pa gola në transfertë dhe kurbinasit shihen favoritë për të shkuar në turin e tretë të Conference League.
Dhe në orën 21:00 do të jetë radha e Tiranës, që do të jetë e impenjuar kundër kampionëve të Zrinjskit. Boshnjakët e fituan 0-1 takimin e parë në “Air Albania” dhe janë favoritë për të ecur më tej. Gjithsesi, bardheblutë nuk janë dorëzuar dhe pritet të bëjnë përmbysjen, edhe pse luhet jashtë fushe.
